पशुतय्के लज्या दइ मखु

झीगु न्हिपौया थुगु थासय् न्हियान्हिथं २-३ म्ह सचेत ब्वमिपिंसं समाजय् द्वंगु व मल्वःगु खँ भिंकेत व जिम्मेवारतय्पाखें लिसः म्हयाः पौ च्वइगु खः । थःगु नां कायेकेत वा छुं मेगु फाइदा कायेत पक्कां खइ मखु । तर १० गू न्ह्यसःया २ गू हे लिसः सम्बन्धित व्यक्ति वा संघ संस्थापाखें च्वयेगुपाखे जाँगर क्यंगु खने मंत । उत्तरदायी पदय् च्वनाः नं थुकथं मताःछु यानाच्वनेगु धइगु उम्हेस्या निर्लज्जता खः । बुद्धया शब्दं धायेगु खःसा 'हिरि-ओतप्प (लज्या व भय) मदुम्ह मनू पिचंनांगाम्ह पशु बराबर जुइ । थज्याःपिंत सार्वजनिक सभाय् ब्वने मजिउ थुमिगु कलंक व पापं यानाः निर्दोषिपं नापं कलंकित जुइगु होश तयेमाल ।

- उदास उपासक, ये ।

More Stories Like this