सिद्धिदासया छेँ

महाकवि सिद्धिदासया छेँ येँया केलत्वालय् धकाः यक्वसिनं स्यू, तर गुगु पतिइ छेँ सिद्धिदासया छेँ खः धकाः नेपालभाषा ख्यःया विशिष्ट व्यक्तिपिन्संतकं मस्यूगु खँ थौंया नसंचा हुले ज्याझ्वलं क्यंगु दु ।

तःदँ न्ह्यःनिसें सिद्धिदास बुदिं हनाच्वंपिं नेपालभाषा मंकाः खलःया पदाधिकारीतय्सं नं सिद्धिदासया छेँ थुगु पतिइ धकाः मस्यूगु जुयाच्वन । लिपा भाषिक कार्यकर्ता मोक्षबहादुर अमात्यया ग्वहालिं सिद्धिदासया छेँ सिइकेगु ज्या जुल ।

लिक्कया किपाय् दुगु छेँ सिद्धिदासया छेँ खः । थ्व येँ केलत्वाःया क्वाछेँ ननिइ दु । न्यातजाःगु थुगु छेँय् दक्कले क्वय्या तल्लाय् रेष्टुराँ चायेकातःगु दु । चित्तधरया छेँयात चित्तधर संग्रहालय दयेके थें सिद्धिदासया छेँयात नं संरक्षण यानाः संग्रहालय दयेके फुसा नेपालभाषा ख्यलय् छगू न्ह्यथनेबहःगु उपलव्धि जुइगु व सिद्धदासप्रति नं सम्मान जुइगु खनेदु ।

More Stories Like this