नसंचा हुलाः महाकवि महाजुया बुदिं हन
नेपालभाषाया महाकवि सिद्धिदास महजुया सच्छि व पीस्वदँ बुदिंया झ्वलय् थौं सुथय् नसंचा हुलेगु ज्या जुल । नेपालभाषा मंकाः खलः येँया ग्वसालय् जूगु नसंचा हुलेगु ज्याझ्वः थौ येँया केलत्वालय् मुनाः वंघः, मरु, न्हूघः, ब्रम्हत्वाः, ह्यूमत, भिंद्यःत्वाः, प्याफः, त्यंगः, असं जुयाः केलत्वालय् क्वचाःगु खः ।
ने.सं. ९८७ यंलागा दुतिया अर्थात थौंया दिनस केलत्वाःया क्वाछेंननी बूम्ह महाकवि सिद्धिदास महाजुं 'सत्यसति' खण्डकाब्य, न्हय्गू काण्ड पूवंगु 'सिद्धि रामायण' महाकाव्य लिसें 'सम्वाद', 'सज्जन ह्दयाभरण','शुकरम्भा संवाद' आदि यानाः बास:गुलिं मल्याक सफू च्वयाः नेपालभाषा साहित्यया धुकू जायेकादीगु खः ।
'उद्योगीया छेँस लक्ष्मी दुहांवइ' धयाः मनूतय्त कर्मशील जुइत हःपाः बियां जिल ला 'राजनीति मसिउम्ह जुजु जुइ फइमखु' धयाः राजनैतिक सन्देश बियां जिल ला 'भाषा म्वासा जाति म्वाइ' धयाः भाषिक चेतना थनां जिल ला महाजुं मदिक्क थःगु च्वसाया बलं सामाजिक भाषिक राजनैतिक चेतना थनेगु ज्याय् मदिक्क कुतः यानादीगु खः ।
ज्याझ्वःया किपाया लागि थन क्लिक यानादिसँ
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
