'जीवनया चाकलय्' शरद

ल्याय्म्हम्ह च्वमि शरद कसाःया बाखं मुना सफू 'जीवनया चाकलय्' थौं छगू ज्याझ्वःया दथुइ विमोचन जुल । नेपालभाषाया नांजाःम्ह साहित्यकार राम शेखर नकःमिजुं उगु बाखं सफू विमोचन यानादीगु खः । अर्थपिथना प्रकाशन प्रा.लि.या कजि रमेशकाजी स्थापितया सभाध्यक्षय् जूगु उगु ज्याझ्वलय् नांजाःम्ह बाखं च्वमि राजा शाक्यजु थी थी विषययात कयाः च्वयातःगु नीनिपु बाखंत दुथ्यानाच्वंगुं बाखंयात कयाः समीक्षा यानादीगु खः । उगु ज्याझ्वलय् बाखं च्वमि कसाःजुं बाखं च्वयागु बारे नुगःखँ प्वंकुसें बाखं सफुती दुथ्याःगु 'छेँ धइगु Everything खः' धइगु बाखं ब्वनादीगु खः । ज्याझ्वलय् सन्ध्या टाइम्स न्हिपौया सम्पादक सुरेश किरण मानन्धरं लसकुस यानादीगु खःसा थुगु बाखं सफु अर्थपिथना प्रकाशन प्रा.लि.या लुखां पिदंगु खः ।

More Stories Like this