आदिवासी ज्यापु संघपाखें ब्वज्या

आदिवासी ज्यापु संघपाखें येया ओमबहालय् आदिवासीतय्सं छ्यलाबुलाय् हयाच्वंगु लवकवःया ब्वज्या याःगु दु । उगु ज्याझ्वलय् संयुक्त राष्ट्र संघ आदिवासी स्थायी मंचया नायः कार्लोस ममामी कन्दोरीयात नेवाः परम्परा कथं ख्येँय् सगं बियाः हंगु खः । भाजु कन्दोरी नेपाःया आदिवासी ज्यापुतय्सं छ्यलावयाच्वंगु हलंज्वलंया ब्वज्यायात तसकं मन तयाः स्वयादीगु खः । वयकःया नापनापं नेपाल आदिवासी जनजाति महासंघया पुलांम्ह नायः डा. ओम गुरुङ्गं नं अवलोकन यानादीगु खः । संघया नायः सुवर्णमान डंगोलया सभापतित्वय् जूगु उगु ज्याझ्वलय् ऋतु म्येया धुन हुलाप्याखं नापं थी थी सांस्कृतिक ब्वज्या तकं जूगु खः ।

More Stories Like this