भारतय् रेल दुर्घटना, २२ म्ह सित

जःलाःखलाः देय् भारतय् थौं रेल दुर्घटना जुया नीनिम्ह मनूत सीगु दुसा न्यय्म्हसिबें अप्वः घाःपाः जूगु दु । मध्य प्रदेशया शिवपुरी जिल्लाया भुपाल शहरं ३५० किलोमिटर तापाःगु थासय् पेसेन्जर दुगु रेलय् विपरित दिसां वःगु रेलं ठक्कर नकुसेलि थ्व दुर्घटना जूगु खः ।

रेलवे अफिसियलया कथं सीपिनि ल्याः थ्व स्वयां अप्वयेफुगु धाःगु दु । दुर्घटनाया छानविन यायेत छगू कमिटी दयेकेधुंकूगु दुसा दुर्घटनाया हुनि निवाःया दुने पितबीगु खँ अनया स्थानीय सरकारी श्रोतं जानकारी ब्यूगु दु । थुगु घटना आकाझाकां जूगु धयादिसें रेलमन्त्री ममता बेनर्जिं सीपिनि छेँजः पिंत राहत बीगु धयादिल ।

More Stories Like this