जनकवि दुर्गालालया
जनकवि दुर्गालाल श्रेष्ठया च्वसां पिदंगु न्हूगु म्ये मुना 'इलं हाःगु म्ये' थौ छगू ज्याझ्वःया दथुइ विमोचन जुल ।
नेवाः जागरण मञ्चया कवः नेवाः संकिपा मञ्चया ग्वासलय् शनिवाः जूगु ज्याझ्वलय् मू पाहाँ सत्यमोहन जोशी, नेवाः सभासद्त हितमान शाक्य, दिलिप महर्जन, मंगलसिद्धि मानन्धर, बुद्ध साय्मि लगायत झिंस्वम्ह नेवाः न्ह्यलुवातय्सं म्ये मुना विमोचन यानादीगु खः ।
जागरण मञ्चया नायः सुजिव बज्राचार्यया सभापतित्वय् जूगु ज्याझ्वलय् जनकवि दुर्गालाल श्रेष्ठं पुस ११ गते जूगु नेवाः स्वायत्त राज्य घोषणा ज्याझ्वलय् कुहांवःगु नेवाः जनसागर खनां अझ नेवाः जागरण ब्वलंकेत थुगु म्ये च्वयाःगु धयादिल ।
धर्मसेवी सुचित्रमान शाक्यं पिथनादीगु थुगु म्येचालय् नांदापिं झिम्ह संगीतकारतय्सं ल्यये तयादीगु दुसाः सत्यनारायण मानन्धर, पवित्र कसाः, निसा देसार, प्रसाद श्रेष्ठ, लक्ष्मण पालिखे लगायत आपालं नांदापिं म्ये हालामिपिंसं थःगु सः बियादीगु दु । थुगु म्येचाय् नेवाः राष्ट्रिय म्ये नापं झिंस्वपू म्ये दुथ्याकातःगु दु ।
ज्याझ्वलय् म्येचालय् थःगु सः बियादीपिं, ल्यचिनादीपिं व म्ये मुना पिकायेत ग्वाहालि यानादीपिंत हंगु खःसा म्येचाया निपू म्ये गायक पवित्र कसाः व सानुबाबु महर्जनं हालाः न्यंकादीगु खः ।
Related Stories
झमकयात मदन पुरस्कार, दुर्गालालयात जगदम्बा दुर्गालालयात सूर्योदय स्रष्टा सम्मान कवि दुर्गालाल छिन्नलता विशेष सम्मानं सम्मानितMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
