आश्रय स्थल दयेकेत 'सप्ताह'
प्रस्तावित ''श्रॄजनशील महिला आश्रय स्थल'' दयेकेत 'सप्ताह' कनेगु ज्या जुयाच्वंगु दु । थी निभाः जः वचत तथा ऋण सहकारी संस्था लि., तःगःवपि, किपूया ग्वसाः व कुटुसाः महिला समूहया ग्वहालि थुगु 'सप्ताह' कनेगु ज्या जुयाच्वंगु खः ।
ज्याझ्वलय् सिद्धाश्रम साधक परिवारया संरक्षक महामाया योगश्यामा व वसपोलया निम्ह शिष्यपिं आचार्य रवि उपाध्याय व उमाकान्त अधिकारीपिंसं 'श्रीमदभागवत सप्ताह (महापुराण)' कनाच्वंगु खः । 'सप्ताह' न्यं झाया पुण्य संचय यानादीत सकल भक्तजनपिंत ग्वसाखलकं इनाप यानादीगु दु ।
'सप्ताह' पाखें म्हइगु दान-दक्षिणां समाजय् च्वंपिं याकः मिसा, घरेलु हिंसां पिडितपिं मिसा व हाःनाः मदुपिं मस्तय्त च्वनेगु लागि थुगु ''श्रृजनशील महिला आश्रय स्थल'' दयेकेगु ज्याय् खर्च यायेगु ग्वसाखलःया सविता महर्जनं नेपालमण्डलयात कनादिल । थथे याकःमिसा, घरेलु हिंसां पिडितपिं मिसा व हाःनाः मदुपिं मस्तय्त इमिगु प्रकृति स्वयाः रोजगारीया तालिम नं बीगु अले थुकथं उत्पादित बस्तुयात विदेशय् समेत निर्यात यायेगु धयादिल ।
पंया थीथी ज्वलंत दयेकेगु, स्वीटर थायेगु, गलैंचा थायेगु व नेपाली भ्वंया थीथी ज्वलंत दयेकेगु तालिम बीगु व थुगु ज्वलंत स्पेन, जापान, स्वीट्जरल्याण्ड व ब्रिटेनय् निर्यात यायेगु खँ जुइधुंकूगु न्ह्यथनादिल ।
'सप्ताह' वंगु भाद्र २८ गतेनिसें कीर्तिपुर वचत तथा ऋण सहकारी संस्थाया न्हूगु छेँय् न्ह्यानाच्वंगु खःसा थ्वहे वइगु असोज ३ गते क्वचाइगु जुगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
