भेनेजुएलाय् थौं विमान दुर्घटना

पूर्वी भेनेजुएलाय् थौं विमान दुर्घटना जुयाः झिंन्याम्ह मनूत सीगु दुसा स्वीखुम्ह म्वायेत ताःलाःगु दु । भेनेजुएलाया निजी क्षेत्रया छगू विमान कम्पनी कनभाएसा एयरलाइन्सया एटीआर - ४२ विमान पुर्टो ओर्डाज धइगु नगरपाखें झिगू किलोमिटरया दूरीय दुगु ओरिनो खुसि लिक्कया जमिनय् ठक्कर नयाः उगु दुर्घटना जूगु खः । विमानय् पीन्हय्म्ह यात्रु व चालक दलया प्यम्ह दुजः नापं यानाः मुक्कं न्यय्छम्ह दुगुलिइ स्वीखुम्ह म्वायेत ताःलाःगु भेनेजुएलाया यातायात लिसे साचारमन्त्री फ्रान्सस्को गासे्रजं जानकारी ब्यूगु दु । घटनालिसे राष्ट्रपति ह्युगो चाभेजं छगू विज्ञप्ति पिथनाः सीपिंप्रति बिचाः हायेकूगु दु । राष्ट्रपति चाभेजं देय्न्यंक स्वन्हुतक्क राष्ट्रिय शोक हनेगु घोषणा नापं याःगु दु ।

More Stories Like this