जातीय युद्ध अतिकं खतरनाक

डी.आर.खड्गी

मानव सभ्यताया चरम विकास जुया वनेधुंकूगु इराक जाति व धर्मया युद्ध जुयाः यक्व धनजनया नाश जुइधुंकूगु देश खः। इराकय् विकास जू थें हे अफगानिस्थानय् नं सभ्यताया विकास जुयाः जनतां शान्त, आनन्द व सुखी जीवनया अनुभव यानाच्वंगु देश खः। अफगान आध्यात्मिक शिक्षाया मुख्य केन्द्र स्थल जुयाच्वंगु खः। थ्व देश विश्वया यक्व दार्शनिक व आध्यात्मिक व्यत्व तयार याःगु भूमि खः। दसुया निंतिं महामानव जिसस क्राइस्ट नं अफगानया भूमिइ योग ध्यान व आध्यात्मिक शिक्षा कयाः यूरोपय् वना जनताया कल्याण जुइगु ज्या याना वंम्ह व्यत्व खः। अफगान नं लिपा जाति धर्मयुद्ध जुयाः बर्बाद जुया वनेधुंकूगु देश खः ।

सन् २००१ सेप्टेम्बर ११ कुन्हु अमेरिकाया फ्लोरिडा राज्यया विश्व व्यापार केन्द्रया भवनयात अल कायदाया लडाकुं ध्वस्त याःगु खः धासें आः बीन लादेनयात अमेरिकाय् सुपुर्दगी यायेमाल धकाः अफगानया तालिबान सरकार प्रमुखयात दबाब बिउगु खः। तालिबान सरकार बिन लादेनयात सुपुर्दगी यायेत अस्वीकार यायेधुंकाः अमेरिका तालिवान सरकारयात ध्वस्त यायेगु लागि आक्रमण यात। अफगानया सरकार क्वदल, बिन लादेन नं बेपता जुल। आः तक नं अफगानया चरमपन्थी मुस्मांत फुक्क नष्ट यायेगु धकाः आक्रमण यानाः अफगान ध्वस्त यानाच्वंगु दु। ध्याचलय् दायाः थःत थ्याच्च धइगु उखान अमेरिका यात लागू जुयाच्वंगु दु। छाय्धाःसा मुस्मां लडाकुत जक नाश जुयाच्वंगु मखु अमेरिकाया धनजन नं यक्व नाश जुयाच्वंगु दु। अफगान युद्धय् अमेरिका न त्याइ न बुइ, अःखतं अमेरिकाया यक्व धनजनया हानी जुयाच्वंगु कारणं युद्ध दिकेमाः धकाः जनतां सरकारयात दबाब बीगु यात। जनतां यक्व दबाब बीगु यानाच्वंगु कारण अफगानं अमेरिकी सेना लिना यंकेगु घोषणा यात तर १५ हजार सेना अफगान भूमिइ तैनाथ याना तयेगु नं धाःगु खः। अफगानय् थें इराक नं जाति व धर्मयुद्ध जुयाः यक्व बर्बाद जुइधुंकूगु देश खः। युद्धया दथुं न्हूम्ह नेता सद्दाम हुसेनं इराकया सता कब्जा यात। सद्दाम हुसेनया इलय् नं बांलाःगु व बांमलाःगु यक्व ज्या जुयाच्वंगु दु। तर समग्रया विश्लेषण याना स्वल धाःसा सद्दाम हुसेन छम्ह देशक व विकास प्रेमी खः धयागु खँ स्पष्ट जू। छगू इलय् इरान नाप इराकया युद्ध जुयाच्वंगु अवस्थाय् अमेरिकां इराकयात समर्थन व सहयोग यानाः इरानयात हायल कायल याःगु खः। वहे अमेरिका लिपा सद्दाम हुसेन थःगु पतिंचाय् प्याखं महुल धकाः सद्दामयात पतन यायेगु ज्याय् संलग्न जूगु खः। अमेरिकां सद्दाम हुसेनयात पतन यायेत छगू मुद्दा ल्ह्वन, व बिध्वंसक अस्त्र (एटम बम) संचय यानातःगु धकाः द्वपं बिउगु खः। विश्वया यक्व देशं अमेरिकाया आरोप मखु धाःसां नं विश्वया सःयात वास्ता मयासे इराकय् खुनी सेना हमला यानाः हुसेनयात पतन यात। तर अमेरिकाया कतांमरि सरकार व अमेरिका विरुद्ध अन चर्के जुयाच्वंगु संघर्ष अझ न्ह्याः वन। अमेरिकन सरकारया मिखां खालि इराकया चिकं लिकयाः थःगु देशय् यंकेगु व मेगु ज्या देशभत इराकीतय्त सखाप यायेगु जक जुयाच्वन। २००३ सालंनिसें चिकं लिकयाच्वन तर गुलि चिकं लिकयाच्वन व सिबें नं रक्षा बजेट अप्वः जुयावंगुलिं अमेरिकाय् मन्दी तकं वल। छखे रक्षा बजेट अप्वः खर्च याये मालसा मेखे अमेरिकी सेना नं धमाधम सिना वनाच्वंगु कारण जनता सरकारयात युद्ध समाप्त यायेमाल धकाः तच्वःगु दबाब बिल। अमेरिकी जनतां ला न्हापा भियतनाम युद्धय् थें शर्मनाक हार जुइफु धकाः ख्याच्वः तकं बिउगु खः। अमेरिकी सेनायात पराजित यायेगु लागि इटाली देशक जनता छप्पँ जुया वन धाःसा जःलाखःला देश सिरिया, लिबिया व मेमेगु मुश्लिम देशं साथ बियाच्वंगुलिं इराकी जनता श्कशाली जुया वनाच्वंगु खः। इराकी जनताया अप्वया वनाच्वंगु कारण अमेरिकी जनतां नं दबाब बियाच्वंगुलिं वंगु मंगलबाः ३१ तारिख कुन्हु इराक युद्ध समाप्त जूगु खँ राष्ट्रपति ओबामां घोषणा याःगु खः।
राष्ट्रपति आबामां इराकी निर्दोष जनतायाके जिमिगु कारणं यानाः यक्व धनजनया नाश जुल धकाः माफी नं फ्वंगु खः। राष्ट्रपति ओबामां अमेरिकी सेनाया मृत्यु जूगु परिवारयाके नं माफी नं फ्वंगु खः। अमेरिकां थःगु सेना लित यंकाच्वसां नं स्वीद्वः-पीद्वः सेना अझ नं इराकया भूमिइ तयातयागु घोषणा याःगु खः। स्वीद्वः�पीद्वः सेना तैनाथ याना तःगुया छगू जक उद्देश्य खः ईराकय् देशभक नेतातय्त माइनस यानाः थःगु हे कतांमरिसरकार गठन याकाः अमेरिकाया इशाराय् प्याखं हुइका तयेगु निंतिं खः। गथे जापान, दक्षिण कोरिया , फिलिपिंस देशय् जुयाच्वंगु दु ।

राजनीति युद्ध स्वयाः नं जातीय व धार्मिक युद्ध खतरनाक जुइ। अमेरिकां इराक व अफगानय् युद्ध यानाच्वंगु वास्तवय् धार्मिक युद्ध खः। यदि अमेरिका अफगान व इराकयात बर्बाद याये मफुगु जूसा इजरायलया यहुदी राज्ययात चरमपन्थी मुस्मांतपाखें खतरा जुइफु। अथे जूगु कारणं चरमपन्थी मुस्मांतय्गु शिक माइनस यायेगु निंतिं युद्ध जूगु खः। अफगान व इराक युद्ध नं धार्मिक युद्ध खः धकाः अनुमान यायेफु। छाय् धाःसा अमेरिकाया फुक्क राज्यया गिर्जाघरया योजना दु। मुश्लिम धर्म ग्रन्थ च्याकेगु, अफगान व इराकया मस्जिदय् नं अमेरिका नाश जुइमा धकाः प्रार्थना यायेगु याइ। झीगु देशय् नं विदेशी शिकं चीन विरुद्ध जातीय युद्ध याकेत स्वयाच्वंगु खनेदु। मधेशवादीतय्त नं चीन व नेपाः सरकार विरुद्ध हतियारधारी पुचःत तयार यानाच्वंगु दु धाइ। थौंकन्हय् हिमाल प्रदेशय् नं हतियारधारी पुचः तयार यायेत गुम्बा, पाठशाला, स्वास्थ्य चौकी दयेकेगु धकाः दुने दुने चीन विरुद्ध जातीय युद्ध याकेगु कुतः यानाच्वंगु दु ।

More Stories Like this