ईलोहं मचासाहित्य सिरपाः लःल्हात

मचा साहित्यया विकासया नितिं नीस्वनातःगु ''ईलोहं ज्ञानज्योति सिरपाः'' थुगु दँय् मचा साहित्यकार व नेपालभाषाया कवि भाजु नातिबज्र वज्राचार्ययात लःल्हाःगु दु ।

नेपालभाषाया ''ईलोहं मचा लय्पौ'' ११ दँ क्यंगु लसताय् जूगु ज्याझ्वलय् थुगु लय्पतिइ पिदंगु च्वसूयात बीगु ''ईलोहं एल्भीस जोशी सिरपाः'' भाजु विजयरत्न असंबरे व ''नःलि प्रधान सिरपाः'' तिलक प्रकास कायस्थयात लःल्हाःगु खः । थुगु स्वंगू सिरपाया दां छसिकथं न्याद्वः, निद्वः अले न्हय्द्वः व छतका खः ।

उकथं हे थुगु लय्पतिइ पिदंगु कृतियात बीगु ''ईलोहं साय्मि सिरपाः'' महांकाल मा.वि.या ब्वमिपिं युरिका शाक्य, रुबिना शाक्य, रजनि श्रेष्ठ, जगत सुन्दर ब्वनेकुथिया ब्वमि सचेत मानन्धरयात म्हतिं द्वःछि/द्वःछि दांया सिरपाः मू पाहाँ नेपालभाषा मंकाः खलःया नायः पद्मरत्न तुलाधरजुं लःल्हानादिल ।

नेपालभाषा मंकाः खलः, न्हूदँ समारोह समिति-११३० या नायः सभासद् भाजु तीर्थराम डंगोल, नेपाल चेम्बर अफ कमर्शया नायः भाजु सुरेन्द्रवीर मालाकारजुपिनि पाहाँसुइ जूगु ज्याझ्वलय् मचालयय्पौयात मदिक्क ग्वहालियानादीपिं पाटन फाइनान्स, उत्तम फर्निचर्स व समाजसेवी सुरबहादुर श्रेष्ठयात नं हनादीगु खः ।

ज्याझ्वलय् नेपाःया मौलिक लिपि राजना लिपिं भाजु दर्शनवीर शाक्यया सम्पादनय् पिदनीगु ''लुँ आखः'' लयपौ भूषण प्रसाद श्रेष्ठया निगू सफू ''हाकनं छक्वः'' व ''खँ छताकने यःसा'' नातिबज्रया ''जि हेरा'' नरेशवीर शाक्यया ''विश्व बालकथा ब्व-७'' याना प्यंगू मचासाहित्यया सफूया नं विमोचन जूगु खः ।

ईलोहं प्रकाशनया प्रवन्ध निर्देशक व ईलोहं मचालय्पौया प्रकाशक नरेशवीर शाक्यया सभापतित्वय् जूगु उगु ज्याझ्वलय् ईलोहं मचालय्पौया सम्पादक पुचःया सुरेश किरण मानन्धरंनं न्ववानादीगु खः ।

More Stories Like this