दोलखाय् ह्याँउ करुणामय बुंगद्यःया रथ जात्रा क्वचाल
एतिहासिक नगर दोलखा बजारय् न्ह्यानाच्वंगु ह्याँउ करुणामय बुंगद्यःया रथ जात्रा थौं क्वचायेत्यंगु दु । थौं जात्राया लिपांगु दिं द्यःयात रथं क्वकयाः विधिपूर्वक पुजा यानाः द्यःया मूर्ति बुयाः दोलखा जिल्लाया मू लँ चाःहिकाः द्यःछेँ यंकाः दुकया जात्रा क्वचायेकेत्यंगु दु । जात्राया झ्वलय् म्हिगः लिपांगु दिं दुङ्गलत्वालं पिंगल त्वाःतक द्यः साला रथ जात्रा क्वचायेकूगु खः ।
थ्व जात्रा गुन्हू तक न्ह्यागु खःसां रथया घःचा स्यनाः निन्हूतक द्यः साले मखंगु हुनिं थ्व जात्रा झिंछन्हूतक न्ह्यात । थौं सिवें झिंछन्हू न्ह्यः अथे धयागु लुहति पुन्हि खुन्हू द्यःयात गुरुजुं लः व दुरुं लुकाः न्ह्वं यानाः विधिविधान कथं पुजा यात । वयां कन्हय् खुन्हू डोकलुंगाटोलं बुंगद्यःयात रथय् तयाः पिंगलतक सालेगु ज्या जुल । वयां लिपा पिंगल त्वालं नकछेँ त्वाः नकछेँ त्वालं कोर्छेत्वाः कोर्छेत्वालं टसिचात्वाः टसिचात्वालं थहनेत्वाःया बुद्धस्तुपा बुद्ध स्तुपां दुंगलत्वाः व दुंगलत्वालं पिंगलत्वाःतक रथ साला जात्रा क्वचायेकी । थथे रथ जात्रा याइगु इलय् टसिचात्वालं बौद्ध स्तुपातक द्यःया रथ सालीबले स्वयम्भूया त्वाथःचाथें तच्वाःगु त्वाथचाय् द्यः सालेगु परम्परा दु । थुगु दिंया जात्रा तसकं न्ह्याइपूगु जात्रा कथं कयातःगु दु ।
परापुर्व कालं निसें आःतक न्ह्याना वयाच्वंगु बुंगद्यः करुणामयया रथ जात्रा २०३९ सालं निसें गुठीपाखें वयेमाःगु जिन्सी नगद व जनश्रम मवयेवं झिंखुदँ तक रथ जात्रा द्यूगु खः । रथ जात्रा द्यूसां जात्रायात मदिकूसें खतय् तया जक जात्रा यायेगु यानाः वयाच्वंगु खः । लिपा स्थानिय समुदायया ग्वहालिं अनया हे कालिाचोक युवा क्लवया पहलय् हाकनं २०५५ सालं निसें रथ दयेका रथ जात्रा यायेगु परम्परा थौंतक कायम याना वयाच्वंगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
