नेवाः देय् दबूया बुदिं थीथी ज्याझ्वः यानाः हनीगु

नेवाःतय् राष्ट्रिय संगठन नेवाः देय् दबूलिं थःगु झिंखुक्वःगु बुदिं थीथी ज्याझ्वः यानाः हनीगु जूगु दु ।

देय् दबूया ज्याकूथी थौं याःगु पत्रकार सम्मेलनय् देय् दबूया नायः नरेश ताम्राकारं नेवाःतय् पहिचान सहितया राज्य, संविधानय् नेवाःतय् अधिकार सुनिश्चितता व नेवाःतय्त छप्पँ यायेगु ताः तयाः झिंखुक्वःगु बुदिं हनेत्यनाःगु जानकारी बियादिल ।

पत्रकार सम्मलेनय् देय् दबूया मू छ्याञ्जे रजनी महर्जनं बुदिं हनेगु झ्वलय् देय् दबूलिं वइगु ञलाथ्व तृतिया (भाद्र २६ गते) कुन्हु बसन्तपुली पुचः ब्वाज्या व उगु हे न्हिइ भुगोलपार्कय् हिदान याइगु जानकारी बियादिल । अथेहे वय्कलं ञलाथ्व सप्तमि कुन्हु (भाद्र २९ गते) जुइगु मू ज्याझ्वलय् ब्वति कायेत प्रचार प्रसार यायेगु कथं ञलाथ्व षष्ठिइ (भाद्र २७ गते) कुमारीया खः सालीगु रुटय् धिमेबाजं सहित ब्वनापौ इनीगु नं धयादिल ।

बुदिंया लसताय् मू ज्याझ्वः ञलाथ्व सप्मति कुन्हु भाद्र २९ गते येँया परोपकारय् जुइगु व स्वनिगः पिने नं थीथी जिल्लाय् उगु हे न्हि कुन्हु ज्याझ्वःत जुइगु जानकारी नायः ताम्राकारं बियादिल ।

More Stories Like this