डा. भट्टराईं फेसबुक अकाउन्ट बन्द यात
अर्थमन्त्री डा. बाबुराम भट्टराईं थःगु फेसबुक अकाउन्ट बन्द याःगु दु । फेसबुकय् थःगु नां व फोटो तयाः मेमेपिन्सं नं नक्कली अकाउन्ट दयेकूगुलिं सक्कली अकाउन्ट बन्द यायेमाःगु वय्कःया निजी सचिव विश्वदीप पाण्डें जानकारी ब्यूगु दु ।
फेसबुक, माइस्पेश, हाइफाइभ आदि सोसल नेटवर्क साइटय् अर्थमन्त्री भट्टराई, प्रम प्रचण्ड, पूर्व राजा ज्ञानेन्द्र आदिया नामं तःगू हे अकाउन्ट खोले यानातःगु दु । थुपिं मध्यय् गुलिं गुलिं अकाउन्टय् व्यक्तिगत व दुर्लभ किपा आदि तयातःगुलिं थुपिं सक्कली हे अकाउन्ट खः ला धैथें मनूतय्सं तायेका च्वंगु दु । अर्थमन्त्रीं सार्वजनिक रुपं हे थःगु सक्कली अकाउन्ट बन्द यानागु जानकारी बिइ धुंकाः फेसबुकय् वया नामं खोले यानातःगु मेमेगु दक्वं बाँकी अकाउन्ट नक्कली खः धकाः पुष्टि जूगु दु ।
डा. भट्टराईया नां व विवरण तयाः दयेका तःगु थुगु नक्कली अकाउन्टय् पासापिनिगु ल्याः थ्व ब्लग च्वयागु ईतकया दुने ३३८९ थ्यंगु दु ।
More Stories Like this
छु दु आइफोन ५ य् ? न्हापांगु ल्यापटप डिजाइनर मन्त याहूं २ हजार कर्मचारीत कटौति याइगु नेपालय् न्हापागु सौर्य–वायु मिश्रित प्रविधि फेसबुकं मार्क जकरबर्गयात मुद्दा तयेगु ख्याच्वः
