वामदेव धुंकाः झलनाथयात क्वःथलेगु माधवया दाउ

येँ (सन्ध्या टाइम्स)/प्रधानमन्त्री एवं एमालेया बरिष्ठ नेता माधव नेपालया डिजाइन कथं तयार याःगु पार्टी दुनेया स्वंगूगु धारं उपाध्यक्ष वामदेव गौतम व अध्यक्ष झलनाथ खनालयात क्वःथलेगु रणनीति दयेकूगु खँ सीदुगु दु।
एमालेया मध्यमार्गी धार धकाः स्वंगूगु धार दयेकादीम्ह प्रम नेपालं न्हापां वामदेव गौतमयात क्वःथलेगु व अनं लिपा अध्यक्ष झलनाथयात क्वःथलेगु ग्वसाः दयेकाः ज्या यानाच्वंगु खँ एमाले सूत्रं धाःगु दु। थौंकन्हय् पार्टी दुने प्यम्ह शक्तिशाली नेता कथं झलनाथ खनाल, केपी ओली, बामदेव गौतम व माधव नेपाल दुसा झलनाथयात वामदेवया समर्थन दु, उकिं पार्टीयात थःपिनि लाइन कथं न्ह्याके मफयाच्वंगु ठहर यासें ओली व नेपाल पुचलं थज्याःगु डिजायन दयेकूगु सूत्रया दावी दु ।

पार्टीया प्यम्ह हस्ती मध्ये गौतमयात लिपांगु इलय् वयाः नीतिगत खँ ल्हायेगु थासय् सःते मत धकाः माधव गुटं पार्टी अध्यक्ष खनालयात धायेधुंकूगु दु। बामदेवयात हाइकमाण्डपाखें चीके धुनेवं वय्कःया थासय् महासचिव ईश्वर पोखरेलयात यंकेगु कुतः जुयाच्वंगु दु। ओली, नेपाल व पोखरेलया छगू मत जुल धाःसा झलनाथयात याकःचा लाकाः क्वःथले फइगु विश्लेषण माधव नेपाल गुटं यानाच्वंगु खँ धाःगु दु ।

माधव पक्षया झिंखुम्ह केन्द्रीय नेता
१) माधव कुमार नेपाल
२) ईश्वर पोखरेल
३) भरतमोहन अधिकारी
४) विष्णु न्यौपाने
५) राजेन्द्र पाण्डे
६) मुकुन्द न्यौपाने
७) पृथ्वीसुब्बा गुरुङ
८) वेदराम भुषाल
९) महेन्द्र पाण्डे
१०) प्रदिप ज्ञवाली
११) छविलाल विश्वकर्मा
१२) पशुपति चौलागाई
१३) विष्णु रिमाल
१४) नागेन्द्र चौधरी
१५) गंगालाल तुलाधर
१६) काशिनाथ अधिकारी