नेपालभाषा एमए तगिंया निंतिं न्हूगु सफू

त्रिभुवन विश्वविद्यालय नेपालभाषा केन्द्रीय विभागं एमए तगिंया निंतिं नेवाः लोकवार्ता नांगू न्हूगु सफू पितब्यूगु दु । विभागया चैनलाकौल भवनय् शनिवाः छगू ज्याझ्वःया दथुइ मूपाहाँ सभासद् तीर्थराम डंगोलं उगु सफूया पितब्वज्या यानादीगु खः । सफू पिथनेत आर्थिक ग्वाहालि कथं सभासद् डंगोलं थःगु सभासद् कोषपाखें वःगु ध्यबा बियादीगु खः ।

उगु हे ज्याझ्वलय् पुष्पदेवी छात्रवृत्ति शान्ति महर्जन व रामहरिकृष्ण अनुसन्धान वृत्ति सिरपा विमल ताम्राकारयात लःल्हाःगु खः । ज्याझ्वलयय् सभासद् डंगोल, संस्कृतिविद् सत्यमोहन जोशी व पाचवीरिसंह तुलाधारं नुगः खँ प्वंकूगु खःसा केन्द्रीय विभागया प्रमुख प्रेमशान्ति तुलाधरं सुभाय् देछानादीगु खः ।

More Stories Like this