विद्यार्थी दबू व लूनिभा पुचः दथुइ एकीकरण

नेवाः जातियात एकतावद्ध रुपय् संगठित यायेगु उदेश्यं नेवाः विद्यार्थी दबू व लूनिभा पुचः पश्चिमाञ्चल क्याम्पस, इन्जिनियरिङ अध्ययन संस्थान दथुइ एकीकरण जूगु दु । एकीकरण लिपा लूनिभायात नेवाः विद्यार्थी दबू, पश्मिाञ्चल क्याम्पस नामाकरण याःगु दुसाः लूनिभाःया अध्यक्ष कमलराज चुकेयात विद्यार्थी दबूया पश्चिमाञ्चल समितिया भाला ब्यूगु दु ।

निगू संगठन दथुइ एकीकरण लिपा नेवाःतय् इतिहास, संस्कृति, साहित्य, भाषा, कला व संगीत आदिया महत्व बारे नेवाः विद्यार्थीतय्त ध्वाथुइका वनेगु सहमति जूगु दु । नापं नेपालभाषायात विद्यालय निसें विश्वविद्यालय स्तर तक अध्ययन अध्यापन यायेत राज्ययात दबाव बीगु निर्णय नं याःगु दु ।

दबुलिं थःपिनिगु संगठनयात थप विस्तार, सुदृढिकरण व क्षमतावृद्धि यानाः शसक्त रुपं नेवाः युवाः विद्यार्थीतय् हक, अधिकार व प्रतिष्ठा प्राप्तिया निंतिं क्रियाशील जुइगु प्रतिबद्धता नं प्वंकूगु दु ।

More Stories Like this