श्रीराम जुल इण्डियन आइडल-५

भारतया टिभि च्यानल सोनीं ताःइलं निसें न्ह्याकाच्वंगु इण्डियन आइडलया न्याक्वःगु ब्व क्वचाःगु दु । इण्डियन आइडल-५ जुइत ताःलाःगु दु श्रीराम चन्द्र । बिजंकासाय् श्रीराम, भूमि व राकेश स्वम्हेसिया दथुइगु धेंधें बल्ला जूगु खः । थौं १५ अगष्ट खुन्हु भारतया स्वतन्त्रता दिवसया लसताय् तुं लाःगु थुगु बिजंकासाय् इण्डियन आइडल-५ घोषणा यायेत लोकंह्वाःम्ह कलाकार अभिताभ बच्चन झाःगु खः ।

इण्डियन आइडल-५ या उपाधि नापंनापं श्रीरामं एस.राज. फिल्मया ब्यानरय् दयेकीगु संकिपाय् 'प्ले ब्याक सिंगर' जुइ दइगु जूगु दु । अथेहे गाडि, मोटरसाइल लिसें आपालं सिरपा नं त्याकूगु दु । थ्व स्वया न्ह्यः टप फाइभ दुने रेडियो मिर्चिइ आर.जे.जुइगु ह्वःता चाहिं भूमि त्रिवेदीं त्याकादीगु खः ।

More Stories Like this