मिस लिटिल नेवाः २०१०या ट्यालेन्ट शो क्वचाल
थुगु दँया मिस लिटिल नेवाः प्रतियोगिताया नितिं थौं ट्यालेन्ट शो क्वचाल । नेप्लिज फेशन होमं याःगु ज्याझ्वलय् मिस ट्यालेन्ट उपाधिया नितिं नेवाः समुदायया गुदँ निसें झिंस्वदँ तकया पीस्वम्ह मस्तय् दथुइ धेधेंबल्ला जूगु खः ।
धेधेंबल्लाया लिच्वः वइगु भदौ ५ गते नेपाल प्रज्ञा प्रतिष्ठानय् जुइगु लिपांगु ज्याझ्वलय् घोषणा याइगु ग्वसाखलकं धाःगु दु । धेधेंबल्लाया निर्णायकय् राजभाइ सुवाल, डा. शिक्क्षिता श्रेष्ठ, निर्णय श्रेष्ठ, हिसिला महर्जन, अलिसा श्रेष्ठ व सुरज भडेल च्वनादीगु खः । धेधेंबल्लाय् मस्तय्सं हुलाप्याखं बाजं थायेगु न्वचु बिइगु व किपा च्वयेगु तकं याःगु खः ।
नेवाः मस्तय्गु प्रतिभा न्ह्यब्वयेगु तातुनां ग्वसाग्वःगु धेधेंबल्लाखे नेवाःभाय् कला सँस्कृति संस्कारबारे नेपालभाषाया प्रशिक्षक राजु नापितं प्रशिक्षण बिया च्वनादीगु दु । अथेहे कोरियोग्राफर रोहिया महर्जन व विवेक श्रेष्ठं कोरियाग्राफी याना च्वनादीगु दु । नेप्लिज फेशन होमं नेवाः समुदायया मस्तय्गु प्रतिभा न्ह्यब्वयेगु नितिं हरेक दँय् मिस लिटिल नेवाः ज्याझ्वः याना वयाच्वंगु दु ।
लुमंकेबहः जू, नेपालमण्डल डट कम मिस लिटिल नेवाः ज्याझ्वःया अफिसियल वेबसाइट खः ।
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
