सम्बन्ध पुलांगु, अनुभव न्हूगु

पुलांपिं निम्हतिपू ब्रिटनी स्पीयर्स व केभीन फिदरलीन पुलांगु सम्बन्ध ज्वनाः न्हूगु अनुभव कया जूगु दु । थःगु शो सर्कस टुरया झ्वलय् ब्रिटनी थः पुलांम्ह भाःतलिसे थुलि सतिना जूगु दु कि होटलया लँपु व ड्रेसिंग रुमय् तकं थुपिं प्यपुना जूगु दु । थ्वया न्ह्यः छम्ह मेम्ह हे प्याखंम्वःलिसे ब्रिटनीया सम्बन्ध बय् बय् जुयाच्वंगु खः ।

ब्रिटनी व केभिनया थुगु न्हूगु सम्बन्धं केभिनया न्हूम्ह गर्लफ्रेंड भिक्टोरिया प्रिन्स तसकं तं चाःगु दु । भिक्टोरियां केभिनयात तःकः हे 'रंगे हात' ज्वने धुंकूगु दु ।

थुहु हे दँय् केभीन व भिक्टोरियाया ब्याहा जुइगु चर्चा जुयाच्वंगु खः । ब्रिटनी लिसेया केभिनया क्वाःगु सम्बन्धं भिक्टोरियालिसेया सम्बन्ध धाःसा ख्वाउँया वनीगु शंभावना अप्वया वःगु दु ।

More Stories Like this