फेसबुक छ्यलीपिं पचास करोड थ्यन

सोसल नेटवर्क साइट फेसबुक छ्यलीपिं युजरत पचास करोड थ्यंगु खँ फेसबुकं सार्वजनिक याःगु दु । फेसबुकया संस्थापक व प्रमुख कार्यकारी अधिकृत मार्क जकरवर्गं थःगु ब्लग मार्फत फेसबुक थुलि मनूतय्सं छ्यली धकाः थःम्हं गबलें अनुमान मयानागु खँ न्ह्यथंगु दु ।

जकरवर्गं फेसबुक छ्यलीपिं सकसितं सुभाय् देछासें फेसबुकय् छगू न्हूगु फिचर 'फेसबुक स्टोरिज' बारे नं सार्वजनिक याःगु दु । विश्वन्यंकया मनूतय्सं गुकथं सोसल नेटवर्क साइट छ्यल धयागु खँ थुकिइ दुथ्याइगु धाःगु दु । थुकिया हे दथुइ थौं हे बहनी जकरवर्गं एबीसी टेलिभिजनय् छगू अन्तर्वार्ता ब्यूगु दु । फेसबुक बारे दयेकूगु संकिपा, आइपिओ (IPO) व फेसबुकयात तःगु मुद्दाया बारे अन्तरवार्ता केन्द्रित जूगु खः ।

खुदँ न्ह्यः स्थापित फेसबुकय् खुला न्ह्यःतक ४० करोड युजरत दुगु खः । थगुने थ्व हे इलय् फेसबुकय् २० करोड जक युजरत दुगु खःसा व स्वयां च्याला न्ह्यः थुकिइ १० करोड जक युजरत दुगु खः । सन् २००४ या फेब्रुअरी महिनाय् लञ्च जूगु फेसबुक थौंकन्हय् दक्कले नांजाःगु सोसल नेटवर्क साइट जुयाच्वंगु दु ।

More Stories Like this