न्याक्वःगु राष्ट्रिय खेलकुद धेंधेंबल्लाया भब्य उलेज्या

राष्ट्रपति रमावरण यादवं सोमवाः बहनी भब्य ज्याझ्वया दथुइ न्याक्वःगु राष्ट्रिय खेलकुद धेंधेंबल्लाया उलेज्या यानादीगु दु । लोकतन्त्र स्थापनालिपा दकले तःधंगु कासाः ख्यःया धेंधेंबल्लाया उल्लेज्या जूगु खः ।

ज्याझ्वलय् थुगुसी ओलम्पिक कासाःय् ब्वतिकाम्ह नेपाःया कासामि दिपक विष्टं मसाल च्याकादीगु खसाः नाजाम्ह म्याराथुन धावक बैकुण्ठ मानन्धरं ध्वाँय् ब्वयेकादीगु खः ।

झिदँलिपाः जूगु राष्ट्रिय खेलकुद कासाःय् सुरक्षा निकाय, विद्यार्थी व कासामितय्सं थीथी सांस्कृतिक ज्याझ्व न्ह्ब्वःगु खसाः कलाकारतय्सं म्येहाःगु खः । ज्याझ्वलय् दक्व प्रस्तुति देशभक्तिया भावनां जाःगु प्रस्तुति न्ह्ब्वःगु खः ।

धेंधेंबल्लाय् न्यागू विकास क्षेत्रया नेपाली सेना, नेपाल प्रहरी व सशत्र प्रहरीया पुचःलं ब्वति काःगु दु । ३२७३ कासामितय्सं २८९ लुँ, २८९ वः व ४१० कास्य पदकया निंतिं ३२कासाय् धेंधेंबल्ल याइ ।

ज्याझ्वलय् प्रधानमन्त्री पुष्पकमल दाहाल प्रचण्डया नं उपस्थिति दुगु खः । धेंधेंबल्ला न्यान्हु तकः जुइ ।

More Stories Like this