ठमेल लागू औषध व हातहतियार कारोबार केन्द्र - बीबीसी
झीगु स्वनिगः
येँया प्रमुख पर्यटकीय क्षेत्र ठमेल अर्थात थँबहि अबैधरुपं चिचीधंगु ल्वाभःया कारोबारस्थलया रुपय् विकसित जूगु म्हिगः अन्तर्राष्ट्रिय साचार माध्यम बीबीसीं दाबी याःगु दु । येँया प्रहरी प्रमुख रमेश खरेलयात उद्धृत यासें बीबीसीं सार्वजनिक याःगु रिपोर्टय् थँबहि क्षेत्र लागू औषधया कारोबार व अपराधीपिनिगु प्रियस्थल जूगुलिं पर्यटक व स्थानीय बासिन्दातय्त ग्याःचिकु अप्वःगु न्ह्यथंगु दु ।
जथाभावी चायेकाः तःगु रेष्टुरेन्ट होस्टल व पसः नं यानाः पर्यटकपिनिगु नितिं न्हापांनिसें आकर्षणया केन्द्र जुयाच्वंगु थँबहिसं आः बारया संस्कृति अप्वःगुलिं ल्वाभः व लागूऔषध काराबारया आश्रयस्थल जूगु समाचारय् न्ह्यथनातःगु दु । अन्तर्राष्ट्रिय साचार माध्यमय् वःगु थज्याःगु समाचारं नेपाःया पर्यटनय् धाःसा नकारात्मक असर लाइगु आपालं खनेदया वःगु दु ।
पर्यटन वर्ष २०११ घोषणा याःगु अवस्थाय् विश्वन्यंक नेपाःया सकारात्मक सन्देश प्रचारप्रसार यायेगु पल्सा आपत्तिजनक प्रचारयानाः पर्यटन बर्षय् प्रभाव लाकीगु ज्या याःगु द्वपं आपालं स्थानीयबासी धाःगु दु ।
नापं नेपाःयात ग्याःनापुगु क्षेत्रया कथं प्रचार याःगु खँ यात कयाः आपालं पर्यटन व्यवसायीतय्सं च्यूताः नं प्वंकूगु दु । थथे पयंटन वर्ष लिक्क वयाच्वंगु इलय् थज्याःगु भ्रमपूर्ण बुखँ पितमबिइत नं इनाप याःगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
