नेपालभाषा कयाः एसएलसी ब्यूपिं शत प्रतिशत उतिर्ण
नेपालभाषा ऐच्छिक विषय कयाः एसएलसी ब्यूपिं येँया जगतसुन्दर ब्वनेकुथि व किपूया हिलटाउन इन्टरनेश्नल उच्च माविया दक्वं विद्यार्थीत एसएलसीइ उतिर्ण जूगु दु । थुपिं निगू स्कूल यानाः मुक्कं १७ म्ह विद्यार्थीथय्सं नेपालभाषा कयाः एसएलसी ब्यूगु खः ।
लिच्वः कथं जगतसुन्दर ब्वनेकुथिया प्यम्ह विद्यार्थीत मध्यय् स्वम्ह न्हापांगु श्रेणीइ व छम्ह निगूगु श्रेणीइ उतिर्ण जूगु दु । अथे हे हिलटाउन उच्च माविया गुम्ह न्हापांगु श्रेणीइ व प्यम्ह निगूगु श्रेणीइ उतिर्ण जूगु दु ।
नेपालभाषाया माध्यमं ब्वंकीगु जगतसुन्दर ब्वनेकुथिइ एसएलसी ब्यूपिं २३ म्ह विद्यार्थीत मध्यय् २ म्ह विशिष्ट श्रेणीइ, २० म्ह न्हापांगु श्रेणीइ व छम्ह निगूगु श्रेणीइ यानाः दक्व विद्यार्थीत उतिर्ण जूगु दु ।
नेपालमण्डल डट कम लिसे खँ ल्हानादिसें हिलटाउन माविया प्रिन्सिपल रमेश महर्जनं विद्यार्थीतय्गु उत्कृष्ट नतिजा खनाः थःपिं तसकं गौरवान्वित जुयागु धयादीगु दु । अथे हे जगतसुन्दर ब्वनेकुथिया नेपालभाषा शिक्षिका सुनिता मानन्धरं नेपालभाषाया माध्यमं ब्वनाः नं विद्यार्थीतय्सं न्ह्याग्गु नं क्षेत्रय् उत्कृष्टता हासिल यायेफइगु खँ थुगु लिच्वलं क्यंगु खँ कनादिल ।
Related Stories
एसएलसीइ नेपालभाषा विषययात लापरवाही थुगुसीया एसएलसी व मांभासं शिक्षाMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
