नेपाल टिभीइ नेवाः ज्याझ्वः लिकाःगुलिइ देय् दबूया विरोध

नेपाःया राष्ट्रिय टेलिभिजन च्यानल नेपाल टेलिभिजनपाखें छुं ई न्ह्यवंनिसें प्रशारण याना वयाच्वंगु नेवाः भाय् लगायत नेपाःया थीथी खुगू भाषाया समावेशी ज्याझ्वः दिकूगु बारे नेवाःतय् राष्ट्रिय संगठन नेवाः देय् दबूपाखें गम्भीर आपत्ति प्वंकूगु दु । नेवाः देय् दबूया नायः नरेश ताम्रकारं मंगलवाः पिथनादीगु प्रेश वक्तव्यय् नेपाल टेलिभिजनया थुगु पलाःयात गैरजिम्मेवारीपूर्ण धकाः संज्ञा ब्यूगु दु ।

देशय् ल्हाइगु सकतां मातृभाषाया संरक्षण व सम्बर्द्धन यायेगु दायित्व कुबियाच्वंम्ह सरकारपाखें संचालित च्यानलं अझ थप मेमेगु मातृभाषाया थज्याःगु ज्याझ्वः न्ह्याकेमाःगुलिइ दुगु ज्याझ्वः समेत दिकूगु व्यवहारया घोर भर्त्सना यासें फयाफक्व याकनं उगु ज्याझ्वः प्रशारण यायेत नेवाः देय् दबुलिं वक्तव्य मार्फत इनाप याःगु दु ।

More Stories Like this