साँगाय् महाद्यःया मूर्तिं नेवाःतय् दिगुद्यः विस्थापित

साँगाय् दयेकूगु विश्वया हे दक्कले तःजाःगु धयातःगु महाद्यःया मूर्तिं यानाः अनया नेवाःतय् दिगुद्यः विस्थापित जूगु सिइदुगु दु । थुगु थाय् अनया नब्बे प्रतिशत नेवाःतय् दिगुख्यः जुयाच्वंगु खः ।

साँगाया नेवाःतय्सं सिथिनखः खुन्हु थुगु देगः चायेकाः दिगुद्यः पुज्याके बिइत इनाप याःसां थुकिया थुवालं वास्ता मयाःगु व दिगु पुजाया लागि उगु थाय् चायेकूसां बहां धाःसा स्याके मबिइगु धाःगु दु ।

व्यापारी कमल जैनया नीजि स्वामित्वय् न्हय्न्यापि (७५ रोपनी) बुँइ दयेकूगु थुगु देगः परिसरं अनया १२ आना पर्ति जग्गा मिचे जूगु खँ उगु परिसर थुवालं हे स्वीकार याःगु दु । नीजि सम्पति जूगु हे कारणं औपचारिक रुपं थौं उद्घाटन जुइत्यंगु थुगु देगः उद्घाटनया लागि राष्ट्रपति डा. रामवरण यादवं बहिस्कार याःगु दुसा अनाधिकृत रुपं नीतका प्रवेश शुल्क कयाच्वंगु खँय् भक्तपुर जिल्ला प्रशासनं आपत्ति प्वंकूगु दु ।

लुमंकेबहः जू, भारतिय शैलीं निर्माण जूगु थुगु मूर्तिया लागि मूर्तिकार माटुराम वर्मानिसें सकतां सामग्री भारतं हे आयात याःगु खः ।

More Stories Like this