ब्याहा यात मनिषा कोइरालां

बलिउड नायिका मनिषा कोइरालां थः मतिनामि सम्राट दाहाललिसे ब्याहा याःगु दु । ४१ दँया मनिषां ३४ दँया सम्राटिलसे शुक्रवाः परम्परागर विधि कथं स्वयंवर याःगु खः ।

आइतबाः जुइगु इहिपाया भ्वजय् राष्ट्रपति डा. रामवरण यादव, प्रम माधवकुमार नेपाल, क. प्रचण्ड, पूर्व राजा ज्ञानेन्द्र आदि पाहांपिन्त ब्वनातःगु दु । येँया सोल्टी क्राउन प्लाजाय् जुइगु भ्वजय् बलिउड स्टारत जेकी स्राफ व गोविन्दा नं उपस्थित जुइगु विश्वास यानातःगु दु । अथे ला थःगु हनिमुन धुंकाः मनिषां बलिउडया थः सहकर्मीतय् लागि अलग्ग भ्वय् नं यायेत्यंगु दु ।

सन् १९८९ य् फेरि भेटौंला नांया संकिपालिसे थःगु अरिअर शुरु याःम्ह मनिषां बलिउडय् वनेधुंकाः 'सौदागर', '१९४२ अ लभ स्टोरी' आदि संकिपा लिपा गाक्कं नां कमे याःगु खः ।

More Stories Like this