गा.वि.स.सचिव इन्द्र बहादुर श्रेष्ठया हत्याप्रति देय् दबूया भर्त्सना

रौतहत जिल्ला बबरगन्ज गाविसया सचिव इन्द्र बहादुर श्रेष्ठयात गोलीं कयेकाः स्याःगुप्रति नेवाः देय् दबुलिं भर्त्सना याःगु दु । देय् दबूया नायः नरेश ताम्रकारं संचवाः छगू प्रेश वक्तव्य पिथनाः हत्याया गम्भीर आपत्ति प्वंकूगु दु ।

ज्यालिपा थःगु छेँ लिहां वयेगु झ्वलय् कायरतापूर्वक जूगु हत्याया घोर भर्त्सना व दुःख व्यक्त यासें आपराधिक तत्वयात अबिलम्ब कानूनया दायरादुने हयाः हदतकया सजायँ बिइगुया लिसें इन्द्रबहादुर श्रेष्ठया परिवारयात उचित क्षतिपूर्ति बिइत सरकारयात देय् दबुलिं वक्तव्य मार्फत माग याःगु दु । 'पटक पटक नागरिक हत्याया शिकार जुइगुलिं राज्यया शान्ति सुरक्षाया स्थिति नाजुक जूगु ठहर जुइ', वक्तव्य् धयातःगु दु ।

थज्याःगु अवस्था प्रति च्यूताः प्वंकूसें नागरिकया शान्ति सुरक्षायात सुदृढ व सशक्त यायेत सम्बन्धित पक्षया ध्यान आकर्षण यासें घटनाया यथार्थ विवरण सार्वजनिक यायेत समेत देय् दबुलिं माग याःगु दु ।

More Stories Like this