ब्राजिल पाखें उत्तर कोरिया २-१ गोलं पराजित

निगूगु हाफय् याःगु निगू गोलया ग्वाहालिं बुधवाः चान्हय् ब्राजिलं उत्तर कोरियायात पराजित याःगु दु । उत्तर कोरियाया सशक्त डिफेन्सया दथुइ ब्राजिलियन कासामि माइकोन व इलानों याःगु छगू-छगू गोल मार्फत ब्राजिलं थुगुसीया न्हापांगु विश्वकप कासाय् जित दर्ता याःगु दु ।

न्हापांगु हाफ तक गोल रहित बराबारीलय् क्वचाःगु कासाया निगूगु हाफया झिगूगु मिनेटय् ब्राजिलियन डिफेन्डर माइकोनं गोललाइनं याःगु प्रहार गोल जूगु खः । लिपा इलानों ७२औं रोबिन्होया पासय् गोल याःगु खः ।

फिफाया वरियता क्रम कथं १०५औं स्थनय् दुगु उत्तर कोरियाया जि युन नामं ८९औं मिनेटय् गोल याःगु खः । ब्राजिलं उत्तर कोरियायात २-१गोलं बुकाः ग्रुप 'जी'या न्हापांगु स्थान कायेत ताः लाःसां कासाय् उत्तर कोरियां कडा चुनौति ब्यूगु खः ।

More Stories Like this