न्यूजिल्याण्डं अन्तिम इलय् बराबरी / पोर्चुगल व आइभरि कोस्ट बराबरीइ

न्यूजिल्याण्डया डिफेन्डर विल्सन रैडं कासाया अन्तिम इलय् याःगु हेडिङं स्लोभिकायात बराबरीइ पंगु दु । न्यूजिल्याण्डया गोलया कारणं स्लोभाकियां न्हापांगु खुसीइ विश्वकपया कासा त्याकेगु म्हगसय् तःधंगु धक्काः ब्यूगु खः ।

स्वतन्त्र राष्ट्र जुइधुंकाः न्हापांगु पटक विश्वकप म्हितुगु स्लोभेनियाया निंतिं ४९औं मिनेटय् रोवर्ट भिटेकया हेडं याःगु प्रहार गोल जुइवं न्यूजिल्याण्ड विरुद्ध अर्गता काःगु खः । न्हापंगु गोल लिपा थप आक्रामक कासा म्हितुगु स्लोभेनियात दबावय् तःगु खः ।

तर इन्जुरी ईया ९२औं मिनेटय् रैडया गोल लिपा ग्रुप 'एफ' अर्न्तगत न्यूजिल्याण्डं स्लोभेनियात बराबारीलय् पनाः १-१ अंक इनाकाःगु दु ।

अथेहे मंगलवाः जूगु ग्रुप 'जी'या न्हापांगु कासाय् आइभरि कोस्ट व पोर्चुगल दथुइया कासा ०-० गोलया बराबरीलय् क्वचाःगु दु । न्हापांगु हाफय् स्टार कासामि डाइडिएर ड्रोगबा बिना मैदानय् कुहांवःग आइभरि कास्टया टिमं बालांगु प्रदर्शन याःगु खः । न्हापांगु हाफय् पार्चुगलया कप्टान क्रिष्टियानो रोनाल्डों क्येकूगु प्रहार पोष्टय् लाना: पिहाव‌ंगु खः ।

लिपा निगूगु हाफया ६६औं मिनेटय् सलामोन कालुया बदलाय् मैदानय् दुहांवःगु ड्रोगबायात नेल्शन मण्डेला बे रंगशालाय् दुपिं आइभरि कास्टया फ्यानतय्सं भुभुजेला व ड्रम थानाः तःजिक लसकुस याःगु खः । तर पोर्चुगल टिमया डिफेन्सया न्ह्यने ड्रोगबां चमत्कार क्यनेमफुत ।

More Stories Like this