पाराग्वें डिफेन्डिङ च्याम्पियन इटालीयात बराबरीइ पन
विश्वकप डिफेन्डिङ च्याम्पियन इटालीयात पाराग्वें १-१ गोलया बराबरीलय् पंगु दु । थुगु बराबरी नापं निगूलिं टिमं १-१ अंक जक इनाकायेत बाध्य जूगु ख: । सन् २००६या विश्वकपय् म्हितुपिं मुक्कं खुम्ह जक कासामित ज्वना प्यदँ लिपा विश्वकपया मैदानय् कुहांवःपिं इटालीयन टिमयात पाराग्वें न्हापांगु हाफय् गोल यानाः दबावय् तःगु खः ।
मंगलवाः चान्हय् जूगु ग्रुप 'एफ' अर्न्तगतया थुगु कासाया ३९औं मिनेटय् पाराग्वेया डिफेन्डर एन्टोलिन आलकारजया हेडिङ मार्फत इटाली नाप १-०या अर्गता काःगु खः । लिपा ६३औं मिनेटय् इटालीयन मिड फिल्डर ड्यानियल डे रोसीं गोल याना कासायात बराबरीलय् हःगु खः ।
केप टाउनया ग्रीन पोइन्ट रंगशालाय् जूगु कासाय् इटालीं शुरु निसें व्यवस्थित तरिकां म्हितुगु खःसां पाराग्वेया बांलागु डिफेन्डरतय् कारणं गोल यायेत तसकं थाकूगु खः । निगूगु हाफय् स्वीनिदँया इटालीयन स्टार कासामि नापं गोलकिपर बुफनयात जँया समस्याया जूगुलिं इटालीयन प्रशिक्षक गोलकिपर हिलेत बाध्य जूगु ख: ।
More Stories Like this
बार्सिलोनाया खेलाडीतय् तलवय् ७० प्रतिशत कटौती साफ च्याम्पियनसिप फुटबलय् नेपाल त्यात विम्बल्डन च्याम्पियनपाखें सन्यासया घोषणा विश्वकप फुटबलया ट्रफि नेपालय् हइगु किंग्स कप"या उपाधि मनांग मर्स्यांदीयात
