जर्मनीया शान्दार प्रदर्शन

निगूलिं हाफय् २-२ गोल यानाः जर्मनीं अष्ट्रेलियायात ४-० गोल अन्तरं बुकूगु दु । ग्रुप 'डी' अर्न्तगतया कासाय् जर्मनीं आः तकया हे दकलय् अप्व ४ गोल यानाः थुगुसीया विश्वकपय् न्हापांगु कासा शान्दार रुपं त्याकूगु दु ।

कासाया ७औं मिनेटय् लुकास पोडोल्स्कीया गोलं अग्रता काःगु जर्मनीं न्हापांगु हाफया २५औ मिनेटय् स्ट्राइकर मिरास्लाभ क्लोजं हेडिङ मार्फत निगूगु गोल याःगु खः । अथेहे निगूगु हाफय् गोल यायेगु क्रमयात निरन्तरता ब्यूसें ६६औ मिनेटय् थोमस मुलर व ६९औं मिनेटय् काकाउं छगू-छगू गोल याःगु खः ।

५६औं मिनेटय् जर्मनीया कासामि बास्टिआन स्वाजनेगरयात फल याःगुलिं अष्ट्रेलियन कासामि टिम काहिलयात रेडकार्ड बीवं झिम्ह जक कासामि दुगु अष्ट्रेलियन टिमयात जर्मनीया स्ट्राइकरतय्त पनेत तसंक थाकूगु खः ।

More Stories Like this