सार्क देय् मध्ये नेपाः दलके अप्वः भ्रष्टाचार जुइगु देय्
हलिमय् अप्वः भ्रष्टाचार जुइगु देय् मध्ये छगू नेपाः नं खः । न्हापांगु दँय् हलिमय् दकले अप्वः भ्रष्टाचार जुइगु देय् मध्ये सच्छि व पीस्वंगु थासय् नेपाः लानाच्वंगु दु । ट्रान्सपरेन्सी इन्टरनेशनलं सार्वजनिक याःगु भ्रष्टाचारसम्बन्धी सन् २००९ या विश्वव्यापी अध्ययनय् नेपाः वंगु दँय् सच्छि व पीस्वंगु थासय् लाना अप्वः भ्रष्टाचार जुइगु देय् कथं ल्वकंह्वात ।
हलिमय् सच्छि व चय्न्यागू देशय् याःगु अनुसन्धानया लिधंसाय् सार्वजनिक याःगु प्रतिवेदन कथं सन् २००८ या तुलनाय् सन् २००९ खे नेपाल अझं अप्वः भ्रष्टाचार जुयाच्वंगु देशय् लाःगु दु । निर्वाचन प्रणालीया स्वस्थता व निष्पक्षतायात मू लिधंसा दयेका याःगु अध्ययनं हलिमय् दकले म्हो भ्रष्टाचार जुइगु देय् न्यूजिल्यान्ड व दकले अप्वः भ्रष्टाचार जुइगु देय् सोमालिया जूगु उल्लेख यानातःगु दु । वयांलिपा अफगानिस्तान, म्यानमार, सुडान, इराक चाँद नापंया देशय् दकले अप्वः भ्रष्टाचार जुइगु देय्या धलखय् लाः । सार्क देय् मध्ये नेपाः दलके अप्वः भ्रष्टाचार जुइगु देय् खःसा भुटान दकले म्हो ।
नेपालय् निजी क्षेत्रय् स्वयां सरकारी निकाय अप्वः भ्रष्टाचार जुइगु याःगु नं प्रतिवेदनय् क्यनातःगु दु । भारत धलःया गुइछगू थासय् लाःगु दुसा चीन न्हेगुंगू थासय् लाः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
