सक्वय् देगः दनेत ग्वहालि कथं अष्ट्रेलियाय् डान्स पार्टी

सक्वया इम्ला गणेश देगः जीर्णोद्धार ग्वहालिया लागि कन्हय् आइतवाः गुथि अष्ट्रेलियां छगू डान्स पार्टी यायेत्यंगु दु । सिड्नीया वर्ल्ड स्क्वायर पबय् उगु ज्याझ्वः बहनी ८:०० ताःनिसें चान्हय् २:०० ताःतक जुइत्यंगु खः ।

गुथि अष्ट्रेलियां सक्वया 'फ्रेण्डस अफ साँखु' व भेरेनिगिन नेपाल नेदरल्याण्डया ग्वहालिइ सन् २०११य् उगु गणेद्यःया देगः दयेकीगु ताः तयातःगु दु । न्हापा नितँ जुयाच्वंगु थुगु देगः नब्बे सालया तःभुखाचं दुनाः लिपा छतँ जुइक छुं भचा जीर्णोद्वार जूसां देगःया पुलांगु स्वरुप तनाच्वंगु खः । आः जुइगु जीर्णोद्धारय् देगः नितँया दयेकाः पुलांगु हे स्वरुपय् हयेत्यंगु दु । थुकिया लागि गुथि अष्ट्रेलियां २२ लाखया अनुमानित बजेट पिकाःगु दु ।

More Stories Like this