नेपालभाषाया विस्तृत खँग्वः धुकू पिहांवल

नेपालभाषाया आः तकया हे दकय् तःधंगु खँग्वः धुकू पिहांवःगु दु । शुक्रवाः येँया होटल र्‍याडिसनय् जूगु छगू ज्याझ्वया दथुइ नेपालभाषा एकादमीया चान्सलर सत्यमोहन जोशीं 'नेपालभाषा त:खँग्व: धुकू'या उलेज्या यानादीगु खः ।

उलेज्या ज्याझ्वलय् नवानादिसें थुगु सफू न्हूगु पुस्ताया लागि तःजिगु उपहार जूगु खँ सत्यमोहन जोशीं धयादिल । ज्याझ्वलय् डा. तेजरत्न कंसाकार व डा. साफल्य अमात्यं नं सफूया बारे न्ववानादीगु खः ।

नेपालभाषा एकादमीया सदस्य सचिव इन्द्र मालीं सम्पादन यानादीगु तःखँग्व धुकूइ स्वीनिद्वः खँग्व दुसाः उकी नेवाःतय्सं न्हियान्हिथं छ्यलीगु संस्कृत, अंग्रेजी भाय्या खँग्वत नं दुथ्याकातःगु दु । तःखँग्व धुकू पिथनेत लामु अमात्यं आर्थिक ग्वहाली यानादीगु खः ।

ज्याझ्वःया किपाया लागि थन क्लिक यानादिसँ

More Stories Like this