नेपालभाषा परिषदय् शिलालेख खय् भासं!

नकतिनि जीर्णोद्धार जुयाः वंगु शुक्रवाः उलेज्या जूगु नेपालभाषा परिषदया छेँया शिलालेखय् नेपालभाषां छगू शव्द हे मच्वसें अंग्रेजी व खय् भासं जक च्वःगुलिइ नेपालभाषा ख्यःया मनूतय्सं च्यूताः प्वंका हःगु दु । नेपालभाषाया लागि समर्पित अग्रज संस्थां हे थःगु छेँया शिलालेखय् नेपालभाषा छ्यले मफुगु धयागु तःधंगु विडम्वना खः धकाः थथे च्यूताः प्वंकूगु खः ।

कविकेशरी चित्तधर हृदयं थुगु छेँ नेपालभाषा परिषदयात लःल्हाना दीगु खः । थःगु ज्यूताःछि नेपालभाषाया सेवाय् समर्पित जुयादीम्ह चित्तधरं नेपालभाषाया विकासार्थ थःगु नीजि छेँ परिषदयात लःल्हाःगु खः । थुगु छेँय् नेपालभाषायात थाय् मबिइगु स्वयम चित्तधरप्रति अपमान खः धकाः मनूतय्सं टिप्पणी यानाहःगु दु ।

लुमंके बहःजू थुगु छें भारतिय राजदूतावासया ग्वहालिं जीर्णोद्धार जूगु खः । आः याकनं हे थुगु छेँ चित्तधर व मोतिलक्ष्मीया संग्रहालय कथं विकास यायेत्यंगु दु ।

More Stories Like this