प्रम समक्ष भाषिक माग
त्रिविवि नेपालभाषा विभागया प्रमूख मयजु प्रेम शान्ति तुलाधरया कजिसुइ प्रधानमन्त्री भाजु प्रचण्डयात मातृभाषाया सम्बन्धय् हालै ज्ञापन पत्र ल:ल्हायेगुज्या जुल ।
मानवअधिकारवादी नेता पद्म रत्न, प्राज्ञा बैरागी काइंला, मैथिल नेता अमरेस नाराएण झा:, अवधि नेता विक्रम त्रिपाठी, मंगला कारञ्जित, डा. चन्द्रमान बज्राचार्य, नविन चित्रकार, जगत सुन्दर ब्वनेकुथिया नायो लछ्मिदास मानन्धर, सेर्पा संघया गेलु सेर्पा, नेवा:स्कूल प्रोजेक्टया कजि दिपक तुलाधर, राइ समाजया तेजमाया राइ लगायत थीथी समुदायया व्यक्तित्विपिं दुथ्यागु थुगु पुचलं १७ बुंदे माग नं लःल्हाःगु खः ।
उगु ज्ञापनपत्रय् संघिय संरचनाय् भासायात नं आधार दयेकेमा:गु, स्कूल कलेजय् नेपा:या मातृभासा छगू नं अनिवार्य रुपं ब्बंकेमा:गु, खँय् भाय् यात जक नेपाली धायेगु पायछि मजूगु, बहूभासिक विस्वविद्यालय चायेकेमा:गु लगायत थीथी मागत दुथ्या: ।
प्र.म.भाजुं मागयात सकारात्मक रुपं कयागु धासें थ:पिं सत्ताय वयेसातं गोरखापत्रय् नेपा:या थीथी भाय् या पेज दुथ्याकागु खं न्ह्यथना दिल ।
(दीपक तुलाधरपाखें प्राप्त सुचंया लिधंसाय् )
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
