स्ववियु चुनाव तनावपूर्ण

देय्न्यंकंया स्वसःगू क्याम्पय् थौं सुथंनिसें जुयाच्वंगु स्ववियु चुनाव तनावया कारणं तःगूमछि क्याम्पसय् स्थगित जूगु दुसा गुलिखे क्याम्पसय् तःधंगु भिडन्त जुइगु खतरां यानाः प्रहरी पाः तयाः सुरक्षा बियातःगु दु ।

येँया आरआर व ल क्याम्पसय् थौं सुथय् तिनि क्याम्पस प्रशासनं सुचं तिकाः चुनाव स्थगित यानागु जानकारी बिउगु दु । सुरक्षा मगाः धासें आरआर ला क्याम्पस तकं अनिश्चितकाल तक बन्द याःगु दु । चुनाव स्थगित याःगुलिं अखिल (क्रान्तिकारी) प्यानलं थःपिं स्वतः त्याःगु घोषणा यानाः सिन्दुरजात्रा नापं याःगु दुसा एमाले अखिल व नेवि संघं उकियात हास्यास्पद धाःगु दु । थुकिं यानाः अन तनाव जुयाः प्रहरी पाः बियातःगु दुसा प्रहरीं पर््रदर्शनी मार्गय् मनू तकं मछ्वसे प्रतिबन्ध तयातःगु दु ।

उखे पीके क्याम्पसय् मतपत्रया स्वरुपयात कयाः पिहां वःगु विवादं यानाः न्हिनय् तकं मतदान मजूनि । अन नेवि संघं चुनाव स्थगित यायेत माग यानाच्वंगु दुसा अखिल (क्रान्तिकारीं) चुनाव या धकाः नाराबाजी यानाच्वंगु दु । उखे वीरगंजया ठाकुरराम क्याम्पस न्ह्यःने थौं सुथय् निगः बम मुइवं चुनाव स्थगित याःगु दु । उकी लानाः सुं घाःपाः धाःसा मजू । पर्वतय् निगू पुचः दथुइ ल्वापु जुयाः एमालेया खुम्ह कार्यकर्ता घाःपाः जूगु दु । तर्राईया सत्यनारायण क्याम्पसय् ल्वापु जुयाः सछिम्ह विद्यार्थी घाःपाः जूगु दु ।

उकथं हे झापा, चितवन, धनकुटाय् नं चुनाव स्थगित जूगु दु । ल्वापु जुइ धकाः अनुमान याःसां येँया त्रिचन्द्र, कर्ीर्तिपुर क्याम्पसय् धाःसा शान्तिपर्ूण्ा रुपं मतदान जुयाच्वंगु दु । त्रिचन्द्रय् पिने थ्यंकं ताःहाकः लाइन च्वनाः मतदान जुयाच्वंगु दुसा अन विद्यार्थीतय्सं प्याखं हुलाः मनोरञ्जन नं यानाच्वंगु दु । चुनावं यानाः उगु लागाया यातायात नं प्रभावित जूगु दु । स्वनिगलं पिनेया गुलिखे क्याम्पसय् थौं सुथय् हे निर्विरोध त्याःपिं प्यानलतय् नां घोषणा याःगु दु । स्वनिगः दुने धाःसा कन्हय् कंस तकया दुने जक लिच्वः वइगु खँ धाःगु दु । चुनावय् अखिल (क्रान्तिकारी), नेवि संघ व एमाले अखिल दथुइ प्रतिस्पर्धा जुयाच्वंगु दु ।