[अडियो ब्लग] संघीयता, स्वायत्तता व स्वशासनया खँय् मल्ल के. सुन्दर (ब्व ५)

Posted on Thu Jun 3, 2010 10:50 pm NST

आत्मनिर्णयया अधिकार धयागु छु?

संघीयता, स्वायत्तता व स्वशासन अडियो ब्लग न्ह्यब्वयेगु झ्वलय् न्यागूगु ब्व न्ह्यब्वया च्वना ।

थुगु ब्वय् मल्ल के. सुन्दरजुं संयुक्त राष्ट्रसंघया जातिय विभेद उन्मुलन सम्बन्धी समिति पाखें यानात:गु कानूनी व्याख्या कथं निगू किसिमया आत्मनिर्णयया अधिकार दुगु खँ न्ह्यथनादी । जनतायात थ:गु थासय् विकास निर्माण, कार्ययोजना दयेकेगु नापं भाषिक, सांस्कृतिक, धार्मिक, शैक्षिक व राजनीतिक निर्णय यायेगु अधिकार आन्तरिक आत्मनिर्णयया अधिकार ख: ।

मेगू आत्मनिर्णयया अधिकार धयागु वाहिय आत्मनिर्णयया अधिकार ख: । थुकीया मतलव गुगु नं देय् औपनिवेशिक शक्ति पाखें नियन्त्रणय् च्वनाच्वंगु दुसा: अनया जनता उगु उपनिवेशपाखें अलग जुया थ:गु हे स्वतन्त्र देय् कथं च्वनेफु ।

नेपालय् आत्मनिर्णयया अधिकारया खँ धयागु आन्तरिक आत्मनिर्णयया अधिकार कथं वयाच्वंगु खँ वय्कलं न्ह्यथनादी ।

पूवंक अडियो न्यनेत क्वय्या प्लेयर प्ले यानादिसँ ।