रोल्पाय् माओवादी विद्रोह
प्रचण्डया क्षेत्रय् बागी उम्मेदवारी
सत्ताय् थ्यनेधुंकाः माओवादी गां व गरिब जनतायात ल्वःमंकूगु धासें रोल्पाया माओवादी कार्यकर्ता व जनतां व्रि्रोह यायेगु ख्याच्वः बिउगु दु । अनया माओवादी कार्यकर्तातय्सं उप निर्वाचनया निंतिं माओवादी अध्यक्ष पुष्पकमल दाहाल 'प्रचण्डं' त्वःतूगु क्षेत्र नम्बर २ लय् बिस्कं उम्मेदवार बीगु धकाः नं घोषणा याःगु दु । 'जिमिसं माओवादीयात पर्ुनर्गठन यानाः रोल्पाली जनतायात एकीकृत यानाः राप्तीं हाकनं व्रि्रोह यायेगु जुइ' रोल्पाया माओवादी जिल्ला नेता कमलबहादुर बुढां म्हिगः राजधानीइ जूगु छगू पत्रकार सम्मेलनय् धयादिल, 'माल धाःसा जिपिं ल्वाभः नं ल्ह्वनेत तयार दु ।'
माओवादीं गांया सहिद व पुलांगु बचं ल्वःमंकाः कर्ुर्सि तक्यना- च्वंगु द्वपं नं उमिसं बिउगु दु ।
पत्रकार सम्मेलनय् माओवादीया अखिल नेपाल जनसांस्कृतिक महासंघया पर्ूव केन्द्रीय दुजः कुलमानं प्रचण्ड निर्वाचित जूगु क्षेत्रं थम्हं स्वतन्त्र रुपं उम्मेदवारी बीगु घोषणां याःगु दु । 'जिं माओवादीलिसे सहलह यानाः उम्मेदवारी बीत्यनागु मखु' कुलमानं कनादी । उमिसं रोल्पाया २ नम्बर क्षेत्रं उम्मेदवारी बीगु निंतिं बिस्कं हे चुनाव प्रचार प्रसार कमिटी नं नीस्वंगु दु ।
पत्रकार सम्मेलनय् उमिसं माओवादी सत्ताय् थ्यनेवं रोल्पाली जनतायात ल्वःमंकूगु द्वपं नं बिउगु दु ।
पत्रकार सम्मेलनय् माओवादी कार्यकर्ता हरिबहादुर बुढामगरं न्हापा युद्धया इलय् रोल्पाली जनताया बखान यायेत थाके मजूम्ह प्रचण्ड थौं प्रधानमन्त्रीं जुइवं रोल्पाया जनतायात ल्वःमंकूगु धासें थज्याःगु दुःखया इलय् रोल्पाली जनताया भावनाया कदर, बलिदानया सम्मान व वीरताया प्रतिनिधित्व आः एकीकृत माओवादीं याये मफइगु खँ नं कनादीगु दु ।
'सशस्त्र व्रि्रोहया इलय् ब्वनेम्वाः जनवादी शिक्षा जक ब्वंसा गाः झी त्यात धाःसा सहरया ततःखागु छेँ व जमिन छिमिगु हे जुइ' धकाः वाफःगु आश्वासन बिउगु द्वपं नं बुढा मगरं बियादीगु दु ।
'आः सहिदया छेँजःपिं नये मखनाच्वंगु दु, उमि मस्तय्सं ब्वने मखं, वासः तकं नये खनाच्वंगु मदु, गन वन विगतया म्हगस व आश्वासन -' बुढा मगरं न्ह्यसः तयादी ।
