थौं अमेरिकाया नेवाःतय् मुँज्या

सं रा अमेरिकाय् च्वनाच्वंपिं नेवाःतय् संगठन नेवाः अर्गनाइजेशन अफ अमेरिकां थौं आइतवाः गुक्वःगु दँमुँज्या याइगु जूगु दु । मेरिल्याण्डय् जुइगु उगु ज्याझ्वः न्हिनय् २ ताः इलंनिसें १० ताः तक जुइत्यंगु खः ।

थुगु दँया लागि अर्गनाइजेशनं "नेवाः सांस्कृतिक सम्पदा व नेपाःया पर्यटन" धकाः थीम ल्यःगु दु । थौंया ज्याझ्वलय् थुगु विषयस थीथी प्रश्तुति जुइ । लिसें नेपालमण्डलया कला संस्कृति व हस्तकला ब्वज्या, नेवाः नसा, भक्तमान श्रेष्ठया किपा ब्वज्या व नेवाः अर्गनाइजेशन अफ अमेरिकाया नेवाः भाय् स्कूलया मस्तय्गु विशेष प्रश्तुति दइगु धाःगु दु ।

बहनी जुइगु सांस्कृतिक ब्वज्याय् हरिश माथेमा, यमन श्रेष्ठ, यज्ञमान शाक्य, समीर मानन्धर लगायतया कलाकारतय्गु विशेष प्रश्तुति नं दुथ्याइ ।

More Stories Like this