अधिकार मबीत तर्राई अशान्त

तामाङ मुक्ति मोर्चा मातृकाया पार्र्टी

तर्राई लागाय् जुयाच्वंगु आन्दोलन सत्ताय् च्वनाच्वंपिंसं जनतायात अधिकार मबीगु निंतिं म्हिताच्वंगु कासा जुयाच्वंगु द्वपं नेकपा (माओ-वादी)या नेता मातृका यादवं बियादीगु दु ।म्हगः बहनी 'सन्ध्या टाइम्स' लिसे खँ ल्हासें नेता यादवं 'पहाडीयातय्सं नं थारूतय्त मधेशी मखु धयाच्वंगु व थारूतय्सं नं थःत मधेशी मखु धयाच्वंगु इलय् उमित राज्यं मधेशीया धलखय् दुथ्याकेगु धइगु जनतायात ल्वाकाः थःगु सत्ता ल्यंकेगु सत्ताधारीतय् कुतः जूगु द्वपं बियादीगु खः ।
तर्राई लागाय् समस्या ब्वलंकेगु धइगु हे जनतायात अधिकार मबीगु निंतिं यानाच्वंगु कुत्सित कुतः खः धासें वय्कलं जनतायात अधिकार बी म्वाःलेमा धकाः हे थज्याःगु कासा म्हिताच्वंगु द्वपं नं बियादीगु दु । 'सत्ताधारीतय्सं थ्व ज्या चायेक चायेकं हे यानाच्वंगु खः' धासें जनताया दथुइ अराजकता ब्वलंकेगु नियतं हे थीथी जातियात ल्वाकाच्वंगु द्वपं नं वय्कलं बियादीगु दु । 'जनतायात अधिकार बी म्वाःलेमा धकाः हे थारूतय्त मधेशीया धलखय् दुथ्याकूगु खः धासें वय्कलं थ्व ज्या मुक्कं सत्ता ल्यंकेगु निंतिं जुयाच्वंगु द्वपं बियादिल । 'देशय् अराजक स्थिति जुइमा व आम उत्पीडित जनतायात गुगुं नं कथंया अधिकार बी म्वाःलेमा धइगु प्रचण्डया बिचाः जूगु द्वपं नं नेता यादवं बियादीगु दु । एकीकृत माओवादीया भातृ संगठन तामाङ्ग राष्ट्रिय मुक्ति मोर्चा थःगु नेकपा -माओवादी) इ दुहां वःगु खँ स्वीकार यासें वय्कलं कोचिला प्रदेशया महासचिवलिसे नं खँल्हाबल्हा जुयाच्वंगु जानकारी बियादिल ।

तामाङ राष्ट्रिय मुक्ति मोर्चा थें मेमेगु संगठन नं छिगु नेतृत्वय् दुहां वइला धकाः न्यनागु न्ह्यसलय् वय्कलं सर्म्पर्क जुयाच्वंगु दु तर आः हे निर्ण्र्ाामजूनि धयादिल । वंगु छुं न्हिं न्ह्यः जक तामाङ राष्ट्रिय मुक्ति मोर्चां थःपिं एकीकृत नेकमा -माओ- वादी)लिसे मखुसें नेकपा -माओवादी)इ दुहां वनागु घोषणा याःगु खः ।

भूमिगत कालय् माओवादीं कारवाही यानातःम्ह मणि थापालिसे छिगु स्वापू गज्याःगु दु धकाः न्यनागु न्ह्यसलय् वय्कलं उमिलिसे थःगु स्वापू मदु धयादिल । माओवादी त्वःतेधुंकाः एकीकृत नेकपा -माओ-वादी)या अध्यक्षलिसे नं थःगु छुं कथंया स्वापू मदुगु खँ नं वय्कलं कनादिल ।