[अडियो ब्लग] संघीयता, स्वायत्तता व स्वशासनया खँय् मल्ल के. सुन्दर (ब्व ४)

Posted on Thu May 27, 2010 11:00 pm NST

स्वायत्तता व स्वशासन धैगु छु? स्वायत्तताय् गुकथंया अधिकार दइ?

संघीयता, स्वायत्तता व स्वशासन अडियो ब्लग न्ह्यब्वयेगु झ्वलय् प्यंगूगु ब्व न्ह्यब्वया च्वना ।

थुगु ब्वय् मल्ल के. सुन्दरजुं स्वायत्तता व स्वशासन धैगु कानुनी रुपं तसकं पा:गु खँ धका: न्ह्थनादीगु दु । स्वयत्तता धैगु थ:गु लागिं थ:पिंसं पिनेया सुनांन हस्तक्षेप मयायेकं नीति, नियम व कानून देय्केदइगु अधिकार ख: । अथेहे स्वशासन धैगु थ:गु थासय् थ:म्हं हे राजकाजया व्यवस्था यायेदइगु अधिकार ख: । स्वायत्तता व स्वशासन दथुइ आधारभुत रुपं पा:गु खँ धैगु स्वायत्तताया अधिकार संविधानय् हे च्वयात:गुलिं थ्व सधांया निंतिं जुइसा: स्वशासनया अधिकार केन्द्रं लितकाये फइ ।

रक्षा, अर्थ व परराष्ट्रया बाहेक मेगू कानून देय्केगु, राजनीतिक व आर्थिक प्रणाली नालेगु, सांस्कृतिक नीति, सामाजिक नीति, शिक्षा नीति आदि दक्वं नालेगु अधिकार स्वायत्तताय् दइगु खँ न्ह्यथनादीगु दु ।

पूवंक अडियो न्यनेत क्वय्या प्लेयर प्ले यानादिसँ ।