स्लमडग कलाकारयात न्यतालय् थप्पड

स्लमडग मिलेनेयरया लागिं ओस्कार सिरपाः कयाः लिहां वःम्ह बाल कलाकार अजरुद्दिन मोहम्मद स्माइलं थःगु देशय् लिथ्यनेवं अबुया थप्पड नये माल । उखे वहे फिल्मया कलाकार अनिल कपुरयात धाःसा फिल्मं ओस्कार त्याकूगुया हे कारणं लोकसभाया चुनाव ल्वायेगु अफर प्राप्त जुल ।

फिल्मय् जमाल जुयाः अभिनय याःम्ह बाल कलाकार अजरुद्दिनयात अमेरिकां लिहां वःकुन्हु हे अन्तर्वार्ताया लागिं छुं पत्रकारतय्सं नापलाः वःगु जुयाच्वन । तर अजरुद्दिनं थौं तसकं त्यानूगुिलं लिपा जक नाप लाये धाल खिनं । वयागु थ्व खँ न्यनाः अबुम्हेसित तं पिहां वल । अबुम्हं तंया झोंकय् कायया न्यतातलय् मुइका बिल ।

ओस्कारया रेड कार्पेट समारोहय् ब्वति कयाः लिहां वःम्ह कलाकारयात थप्पड नकूगु समाचार छक्वलं बय्बय् जुल । सकस्यां छु जुल गथे जुल धकाः न्यनेगु शुरु जुल । अजरुद्दिनं धाल 'जितः बानं न्यतालय् दाःगु खः अय्नं वय्कलं जितः तसकं माया याः ।'

उखे भारतीय जनता पार्टीं 'स्लमडग मिलेनेयरया लोकपि्रयताया लबः कासें उकिया नांजाःम्ह कलाकार अनिल कपुरयात राजधानी न्हू दिल्लीं चुनाव ल्वाकेगु निर्णय याःगु दु । लोकसभाया लागिं आः जुइत्यंगु चुनावय् बलिउडया मेिपं नं आपालं कलाकारतय्सं उम्मेदवारी बीगु जुयाच्वंगु दु ।

More Stories Like this