झिंस्वदँया मचां सगरमाथाय् न्हूगु कीर्तिमान
सं.रा. अमेरिकाया झिस्वदँया जोर्डन रोमेरों शनिवार सुथय् सगरमाथाया सफल आरोहण यानाः आःतकया दक्कले कम उमेरया सगरमाथा आरोही कथं न्हूगु कीर्तिमान कायम याःगु दु । थ्व स्वया न्ह्यः नेपाःया तेम्वा छिरि १६ दँया उमेरय् सगरमाथाया सफल आरोही कथं कीर्तिमान कायम जुयाच्वंगु खः ।
जोर्डनया मां ली एल ड्रायकं एपीलिसे खँ ल्हाना धाःगु दु "वं जितः फोन यात, अले धाल -'मां जि विश्वया दक्कले च्वकाय् च्वनाः फोन यानाच्वना' " । ड्रायक थ्वया न्ह्यः थः काय् गन थ्यन धकाः जिपिएसपाखें ट्रायक यानाः स्वयाच्वंगु खः ।
जोर्डनया आरोही दल अपेक्षित इ स्वयां छुं घौ न्ह्यः हे थ्यंगु खः। सगरमाथाया च्वकाय् थ्यनेवं इपिं दक्व लय् तातां थःथः घय् पुनाः "आइ लभ यू" धाःगु खँ आरोहण दलया प्रवक्ता रोब बेलीं धाःगु दु । इमिगु आरोहण दलय् जोर्डन, वया अबु, वया अबुया गर्ल फ्रेण्ड व स्वम्ह शेर्पात दुथ्याःगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
