दक्षिणकोरिया - इराक चिकं सम्झौता

इराकी राष्ट्रपति जलाल तालावानी भ्रमणया इलय् स्वंगू अर्ब न्यय्न्यागू करोड अमेरिकी डलरया विकासया निितं चिकं सम्झौताय् दक्षिणकोरिया व इराकदथुइ समझदारी जूगु दु । दक्षिणकोरियाया राष्ट्रपतिय ज्याकुिथं जानकारी ब्यूकथं थ्व सम्झौतां दक्षिणकोरियायात दक्षिण इराक बासरा इलाकाय् चिकं उत्पादन यायेगु अधिकार दइ । उकिया पलेसा युद्धपाखें तहसनहस जूगु इराकय् पावर प्लान्ट व मेमेगु पूर्वाधारत निर्माण यायेत दक्षिणकोरियां इराकयात ग्वाहालि याइ । तालावानी व वय्कःया दक्षिणकोरियाली समकक्षी ली म्युङ्ग बाकदथुइ जूगु शिखर वार्ताय् थज्याःगु सहमति जूगु खः ।
अथेहे सोलको इन्चेयोन एअरपोर्ट कर्पोरेशनं उत्तरी इराकया विमानस्थलय् साचालन पद्धतित पलिस्था यायेत कुर्दिस्तान क्षेत्रीय सरकारलिसे स्वंगू करोड झिगू लाख अमेरिकी डलरया छगू सम्झौता याःगु दु ।

More Stories Like this