संघर्ष समितिया प्रशिक्षण ज्याझ्वः
नेवाः स्वायत्त राज्य मंकाः संघर्ष समितिपाखें नेवाः स्वायत्त स्थापनाया लागिं जनमत तयार यायेत माःगु जनशक्ति तयार यायेगु तातुनाः समितिं थःलिसे आबद्ध थीथी घटकया दुजःपिन्त थौं छगू प्रशिक्षण ज्याझ्वः यात ।
ज्याझ्वलय् समितिया दुजः नेवाः देय् गुथि नेपालमण्डलया नायः नरेन्द्रभक्त हाडां नेवाः स्वायत्त राज्यया अवधारणा न्ह्यब्वयादीगु खःसा मेम्ह दुजः नेवाः देय् दबूया नायः मल्ल के. सुन्दरं संघीय राज्य प्रणालीया बिषयलय् सहभागीपिन्त ध्वाथुइकादीगु खः । नापं सहभागीपिन्सं संघर्ष समितिपाखें न्ह्यब्वःगु नेवाः स्वायत्त राज्यया अवधारणा, नेवाः स्वायत्त राज्यया लागा, जातीय स्वायत्त राज्यया अाधार थेंज्याःगु बिषयलय् थःथःगु न्ह्यसः व जिज्ञासा तःगु खः । ज्याझ्वलय् समितिया छ्याञ्जे नेवाः देय् दबूया न्वकू नरेश ताम्राकारं संघर्ष समितिया अाःतकया गतिविधि न्ह्यब्वयादीगु खः ।
