शुल्क अनुगमन यायेत संचालकतय् माग
निजी व आवासीय विद्यालय संगठन (प्याब्सन) व नेसनल (प्याब्सन)या मंगलवाः च्वंगु मंकाः बैठकं निजी विद्यालयया शुल्कय् तत्काल अनुमगन यानाः वैज्ञानिक शुल्क समायोजन ययोत सरकार नाप माग याःगु दु ।
बैठकय् निर्धारित शुल्कया अनुगमन यानाः वैज्ञानिक ढंगं सरकारं शुल्क निर्धारण व समायोजन याःसा अज्याःगु अनुगमन पाखें निर्धारण याःगु शुल्क माने यायेत थःपिं तयार दुगु खँ धाःगु दु । नापं बैठकं वार्ताया माध्यमं थःपिं समस्या समाधान यायेत तत्पर दुगु खँ धाःगु दु ।
न्हूगु शैक्षिक सत्र निसें निजी विद्यालयं पूर्व निर्धारित शुल्कया मापदण्ड विपरीत शुल्क अप्वयेकूगु विरोधय् माओवादी आवद्ध विद्यार्थी संगठन अखिल (क्रान्तिकारीं) अप्वयेकूगु शुल्क लितमकातल्ले अनिश्चितकालीन विद्यालय बन्द यानाः आन्दोलन यानाच्वंगु दु ।
निजी विद्यालय संगठनतय्सं विद्यार्थीतय् पठन पाठनयात ठप्प यायेगु ज्या छुं नं अर्थय् न्यायोचित मजुइगु व आन्दोलनरत विद्यार्थीयात बन्द लितकयाः वार्ता व संवादया प्रक्रियाय् वयेत इनाप याःगु दु ।
More Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन
