थौं मांया ख्वाः स्वयेगु

थौं चौलागा आमै अर्थात मांया ख्वाः स्वयेगु न्हि । संसरय् थःत जन्म ब्यूम्ह मांयात हनेगु न्हि कथं थौं मां पिंत हनेगु चलन दु । मांया भिं जुइमा व मांया भिंउसाँय्या कामना यासें थौं मांयाःगु ख्वाः स्वयेगु चलन दु । मांया माया व ममतायात भाःपिया मह्रिचह्रि, फलफुल, ख्येंसगं बियाः मांया ख्वाः स्वयेगु याइ । इहिपा जुइधुंकूपिं म्ह्याय्मस्तय्सं नं थःज्याःगु सकतां ज्वलं ज्वनाः मांया ख्वाः स्वः वइगु चलन दु ।

अथेहे मां मदये धुंकूपिसं सुथय् म्वःल्हुयाः, सुचिनिचि यानाः मामं थःत जन्म ब्यूगु लुमंकाः बजि, मह्रिचह्रि, फलफुल, दुरु, चि व पालु ताः कुल पुजारीयात निसलाः बिइगु चलन दु । नापं मातातिर्थ वनाः म्वः ल्हुयाः मांयात लुमंकीगु नं याः ।

More Stories Like this