राष्ट्रिय आदिवासि महिला महासंघया निक्वःगु तःमुँज्या

राष्ट्रिय आदिवासि महिला महासंघया निक्वःगु तःमुँज्या क्वचाःगु दु । वंगु चौलागा एकादशि (10th April, 2010) कुन्हु आदिवासि जनजातिया ज्याकू विर्तामोडय् थुगु मुँज्या जूगु खः । मूँज्याय् मूपाहाँ राधा सुब्बा झायादीगु खःसा पाहाँकथं नेवाः देय् दबू झापाया नायः भाजु कृष्ण उदास अथेहे मगर संघपाखें वेदथापा झायादीगु खः ।

तःमुँज्यां दोपदि गणेशया नायःसुइ १३ म्हेसिया ज्यासना पुचः नं नीस्वनादीगु दु । गुकि छसिकथं न्वकु मय्जु गंगा श्रेष्ठ छ्यांजे अरिनमाया मेचे, ल्यू छ्यांजे सुजाता सुनवार व दांभिरं सविना ग्वालयात ल्यःगु खःसा दुजःलय् छसिकथं सुजाता धिमाल, खेमकुमारी मगर, मुना किसम, निभा तामाङ्ग, हरिदेवि लावति, सुष्मा कुमाल, विन्दा मेचे व वचनाराईयात ल्यःगु खः ।


मय्जुपिं अग्निमाया व विन्दा मेचें न्ह्याकादीगु थुगु तःमुँज्याय् मय्जु मनु सुनुवार व मदुम्ह ज्ञानु राईयात हनादीगु खः ।

More Stories Like this